Digitalkameror
Nýttu ljósmyndahæfileika þína til fullnustu með næstu kynslóð hágæða myndvinnsluhugbúnaðar Nikon’. Nikon Capture NX 2 notar hina einstöku U PointTM-tækni Nikon’ og inniheldur fjölda öflugra verkfæra og fjögur vinnusvæði sem hægt er að sérsníða að fullu, vista og skipta á milli til að skapa hraðvirkt og skilvirkt vinnuflæði. Capture NX2 er einfalt og notandavænt og veitir þér frelsi til að einbeita þér að því að vinna með litblæ og liti og þar með leggja áherslu á og draga fram áhugaverða þætti við framköllun. Hægt er að nota Capture NX2 með myndum á JPEG- og TIFF-sniði frá hvaða upprunatæki sem er og hugbúnaðurinn er ákjósanlegur fyrir vinnu með Nikon NEF-skrár.
- Litastjórnpunktur: Stýrðu litblæ, birtu og litamettun með því að setja litastjórnpunkt á myndina og stilla síðan lengd sleðanna.
- Valstjórnpunktur: Notaðu aðgerðir á borð við stafræna skerpusíu (Unsharp Mask) eða D-lýsingu á tiltekið svæði með einum músarsmelli. Það er engin þörf á nákvæmu vali eða síu - svæðin sem þú vilt breyta eru auðkennd sjálfkrafa.
- Sjálfvirkur lagfæringarbursti: Til að ná fram eðlilegri áhrifum gerir sjálfvirki burstinn þér kleift að fjarlægja rykbletti og aðra bletti í myndum með því að smella og hreyfa músina.
Capture NX2, ótakmörkuð heildarútgáfa fylgir með í kassanum ásamt leiðbeiningum á prenti.
Capture NX2, ótakmörkuð uppfærsluútgáfa fylgir með í kassanum ásamt leiðbeiningum á prenti. Fyrri útgáfa Capture NX þarf að vera til staðar.
- U PointTM-tækni veitir ósýnilega og snjalla aðstoð til að keyra fjölda myndvinnsluverkfæra. U-PointTM gerir þér kleift að velja áhugaverða staði á myndinni með þægilegri og einfaldri stillingu á birtuskilum, birtustigi og litamettun ásamt áhrifamikilli leiðréttingu á rauðum augum og nákvæmri stillingu litajafnvægis. Smelltu einfaldlega á svæðið sem þú vilt breyta og stilltu sleðana til að sjá áhrif leiðréttinganna samstundis.
- Sjálfvirki burstinn gerir þér kleift að fjarlægja óæskileg smáatriði á nákvæman en einfaldan hátt. Veldu einfaldlega svæðið sem þarf að bæta og smelltu á rykblettinn eða smáatriðið sem á að fjarlægja.
- Spjaldið Skyndilagfæringar sameinar mikið notuð verkfæri í einum glugga til þess að auðvelda og flýta fyrir breytingum á mörgum myndum í einu. Þar á meðal eru verkfæri fyrir birtustigs- og litblæskúrfur, lýsingaruppbót, birtuskil, lýsingarvörn, skuggavörn og litamettun.
- Tvöfaldur skjár og vinnusvæði sem má sérsníða: Tvöfaldur skjár Capture NX2’ gerir þér kleift að stækka vinnusvæði þitt og fjögur vinnusvæði sem má sérsníða – vafri, lýsigögn, fjölnotasvæði og breytingasvæði – gefa þér kost á að breyta vali þínu á verkfærum, búa til þínar eigin flýtileiðir og skipta á fljótlegan hátt á milli vinnusvæða án þess að gögn tapist.
- Með Valstjórnpunkti er auðveldar að auka sýnilega skerpu smáatriða (Unsharp mask) eða að gera tiltekna þætti myndarinnar óskýra (Gaussian Blur). Hægt er að nota hann með næstum því hvaða myndvinnsluaðgerð sem er, þar á meðal D-lýsingu, birtustigi, lit, fókus, leiðréttingu og suðhreinsun. Hægt er að láta breytingarnar eiga við alla myndina eða einungis ákveðin svæði með einum músarsmelli, án þess að þurfa að nota nákvæmt val eða síur.
- Ítarleg myndastjórnun: ýmsar flokkanir og merki sem nota XMP- og IPTC-staðla auðvelda merkingu og flokkun mynda og bjóða upp á óaðfinnanlega yfirfærslu með ViewNX, Windows Vista eða Adobe Bridge.
